Condividiamo questa preghiera-poesia del nostro don Raimondo
‘A PORTA …
Se vieni ‘a chesta porta,
tu nun tuzzulià;
sta porta è sempre aperta:
tràse e n’avé ‘a paura!
Cca’ nun ce stanno scale
e niente ‘nferriàte;
vieni e tràse tranquillo,
‘a porta è sempre aperta.
Nun te pigliá ‘a paura,
nun ce sta serratura:
tràse e, quando vuò, esci,
nun ce stanno cancielli.
‘A porta è sempre aperta
e ‘o viento nun fa male;
se fòre tira ‘o viento,
cca’ dinto staje ‘o sicuro.
Na’ porta sempre aperta
forse nun è sicura;
ma, se sta sempre chiusa,
‘a vita è troppo scura!
Certo, è pericoloso,
pecché nun sai chi tràse;
ma se staje sempre chiuso,
è tomba, nun è casa!
Na’ porta chiusa n’faccia
è brutta e fa assai male;
ma se si chiude ‘a porta,
s’arápre nu purtone!
Pecché na’ porta aperta
è comme ‘a na’ Speranza!
È comme uno che dice:
sto’ cca’, n’avé ‘a paura!
(don Raimondo Di Rienzo,
18 Maggio 2020 – 100° Anniversario della nascita di Giovanni Paolo II)
